Асуултын хариу- Зөвлөмж 13 - р хэсэг.

2012-10-24 15:44

                   Асуултын хариу - "Зөвлөмж" 13 -р хэсэг.

 

              Асуулт:

Сайн байна уу? эмчээ, миний дүү таны зөвлөмжийн дагуу барагшун уугаад суулгалт нь зогссон. Таны буянтай үйлс олон хүнийг анагааж, эрүүл энх, аз жаргал бэлэглэж байна. Бурхан таныг болон хайртай бүхнийг тань цаг ямагт адислах болтугай. Эмчээ, надад асуух юм байна. Би 25 настай, хөл гар маань хөлрөмтгий, маш амархан даардаг. Нурууны гол яс бүсэлхийнээс дээш 3-4 үе гадагшаа төвийж склиозтой болсон. Удаан суух юмуу нуруунд ачаалал өгөхөд өвддөг. Нурууны асуудлаар Тайландын Бумрунград эмнэлэгт үзүүлж шинжлүүлэхэд Д витамины их дутагдалтай гээд Д вит өндөр тунгаар уулгасан ч бүрэн эдгээгүй. Монголын нөхцөлд яаж эмчлэх вэ? Бас сарын тэмдэг хааяа маш их өвдөлттэй ирэх юм. Ерөнхийдөө бага хэмжээтэй ирдэг. Хөхний хөгжил маш сул, жижигхэн. Өндгөвчинд асуудал байна уу? Бас ойрд тураад үс маань унах боллоо. Ямар эмчилгээ хийвэл зохих вэ? Баярлалаа, танд.

 

          Зөвлөмж:

Нурууны суудлын ачаалалаас ихэнхдээ үүсдэг.Чамд зүү төөнүүр банк,масаж эмчилгээ сайн хийлгэхэд өвдөлт буурч ирдэг. Даарч хөрч болохгүй.Халуун чанартай монгол эмээр эмчилгээ хийлгэх хэрэгтэй. Хүйтэн чанартай халуун ногоо хэрэглэж болохгүй. Бас солонгосын хүн хорхойдойн бэлдмэл КЕНЬОКТО олж уугаарай Сайн эмчилгээ хийлгэхэд сайн эдгэрнэ. Өндгөвчний үйл ажилгааг ЭХО д харж, Эстрадоль дааврын шинжилгээнээс харж болно.

 

         Асуулт:

Сайн байна уу? манай дүү одоо 6 сар хүрч байна. 2-3 сартай байхдаа хөхсөн сүүгээрээ гульгаад байдаг байсан, энэ юу бэ?. Өөрийн үеийнхнээс их жижиг тэнднийг гүйцэж өсөж чадах болуу? Төрөхдөө 2кг 500 гр төрсөн юмаа. Сайн гэсэн эмч,доктор дээр очлоо, тархины даралт гэх юм, нэг эмч нь мөөгөнцөртэй байна гээд, бүр ходоодыг дурандуул гэсэн. Энэ хэцүү өвчин үү?

 

     Зөвлөмж:

Дутуу төрсөн юмуу жин багатай төрсөн хүүхдийн ходоодны амсар сул агшилттай байдаг. Хөхсөний дараа босоо байрлалд хэхрүүлж, ходоодны хийг гаргахгүй бол гулгиулаад байдаг.

1 ой хүрч байж зүгээр болдог. Энэ өвчин бишээ.

 

   Асуулт:



Сайн байна уу?. Таниас нэг юм асуух гэсэн юмаа?. Би 12 настай миний хоолой улаан байснаа бүр идээлчихлээ яаж эмчилэх бэ? Байгалийн ургамалаар эмчилэх арга бий юу? хэлж өгөөч.

 

  Зөвлөмж:

Хоолой өвдөх болгонд Панкипсинийг халуун усанд хийгээд утаад байхаар эдгэнэ. Монгол эм 3 үрийн тан, Мана 4 танг уугаад байхаар хоолой өвдөхгүй болно.

 

   Асуулт:

Сайн байна уу? .Би одоо 25 тай, эхнэр 22 настай. 2 ойтой охинтой. Бид 3 уулаа цагаан хорхойтой юм шиг байна. Энийг яаж арилгах бэ?. Ямар эм байдаг бэ?.

 

   Зөвлөмж:

Гелминтоз, Декарне, Вермоке зэрэг эмнүүд байдаг. Баасны шинжилгээ өгөө гурвуулаа. Ямар паразит байна гэдгийг мэдэж байж эмээ аптекаас авч уу. Дотоожоо сайн угааж халуун индүүгээр идүүд сармис арилгаад анус руугаа хийж хорхойг гарга.

 

  Асуулт:

 Сайн байна уу? Эмчээ. Манай хүү 2 ойтой, ой 5-6 сартайгаасаа эхлээд ханиад хүрэхээрээ цээж нь шуугиад астматай бронхиттой юм шиг дороо хүндэрчихдэг болсон. Одоо ер нь ханиад хүрвэл л ганц хоёр хоноод цээж нь шуугиад хажууд нь амьсгалахыг нь сонсоход хэцүү санагдаад байдаг. Ерөнхийдөө харшлын гаралтай гэж эмч нар хэлдэг ч яг юунаас гэдгийг нь ч мэдээгүй, тэгсгээд харшил дарах цитиризин, хлорфенамин зэрэг эмийг ханиадны эмтэй цуг өгөхөөр дороо намдчихдаг. Энэ астма ч юмуу бронхитыг яаж үр дүнтэй арилгах вэ. Гэртээ утлагын аппарат авч тавьдаг юм билүү гэж бодож байна. Өглөө нь ханиалгаж эхлээд л шөнөдөө цээж нь шуугиад хоолой нь боогдчих вий гэхээс айдаг. Зөвлөгөө өгч туслана уу, энэ эм үр дүнд хүргэх боловуу. Таньд баярлалаа!

 

 Зөвлөмж:

 Панкепсиныг халуун усанд найруулж утна. Хамгийн гол нь хүүхдийн хэржигнүүрийг арилгах цээжийг цэвэршүүлэх арга нь: Зөгийн балыг хүүхдээ доош харуулан хэвтүүлээд гартаа зөгийн бал түрхэн, хүүхдийн цээжин хэсэгт зөгийн балтай алгаараа наан зөөлөн татах хөдөлгөөнөөр хүүхдийн цээжийг улайлган дараа нь архиар шавшин зөгийн балаа арчин арилгаж, дахин архитай алгаараа доргиох массаж хийж алчуураар ороогоод унтуулахад хүүхдийн нус цэр 3 хоног ихээр гарч бронхит арилж цээжний хэржигнүүр багсана.

 

 Асуулт:

 Сайн байна уу? Эмчээ. Нэг юм асууяа миний хүү 2 ой 7 сартай. Өтгөн жаахан хатаад цустай баагаад байна. Яавал дээр бэ?

 Зөвлөмж:

Хоолонд нь 1 цайны халбага Оливын тос хийгээд 3-4 хоног өгөөд үзээ. Баас нь хатаад дүлэхдээ бага зэргийн судаснаас цус гарч байгаа

.Гэдсэнд нь нар зөв тойруулж иллэг хийж өгөөрөй.

 Асуулт:

 Сайн байна уу? Таньд ажилын өндөр амжилт хүсье.Танаас асуух асуулт байна. Миний ходоод гэдэс байнга хямардаг бас эрүү хүзүүн дээгүүр батга гараад жоохон өлсөхөөр ам ходоодноос эвгүй үнэр гараад цээж хорсоод байх юм . Заримдаа шөнө нойрон дунд ходоодон дээр өглөө сэрхэд ходоод хөндүүрлээд өвдөөд байх юмаа. Хеликобактертай юм бол уу? яах вэ эмчээ?

Би гадаадад байдаг

 Зөвлөмж:

http://drbatorgil.miniih.com/index.php/home/post/6Энийг сайн уншаарай. Энд бичсэн европ эмнүүд аптекаас нь аваад уу. Монголоос монгол эм гэрийнхнээрээ авхуулж болно.

Асуулт:

 Сайн байна уу? Нилээн хэдэн жилийн өмнө шарлаж байсан. Гэвч шинжилгээгээр гайгүй, хөнгөн хэлбэртэй байна ахуйн замаар халдсан гээд эмчлүүлсэн. Сая шинжилгээ өгтөл элэгний В төрлийн вирустэй байна, вирусээ тоолуул гэсэн. Хараахан тоолуулж амжаагүй байна. Асуух гэсэн гол зүйл маань элэгний В төрлийн вирус цус, тариур, бэлгийн замаар халддаг, А төрлийн вирус ахуйн замаар халддаг гэж уншсан. Гэтэл би ахуйн замаар халдаж байснаас өөрөөр шарлаж байгаагүй. Харин ээж болон аав маань биднийг төрөхөөс өмнө шарлаж байсан гэсэн. Тиймээс төрөлхийн В вирустэй төрнө гэж байх уу?. Мөн сүүлийн хоёр жил нилээн таргалж, жингээ хасахаар хөдөлгөөн, хоолны дэглмийн арга хэмжээ авч байгаа ч төдийлөн жин хасагдаагүй, энэ нь элэгний В вирустэй холбоотой байж болох уу? Миний даралт бага талдаа, цус багатай судас олддоггүй учир барагтай л бол шинжилгээ өгөхөөр их хэмжээгээр цус соруулж авч чаддаггүй. В төрлийн вирусыг хэрхэн яаж эмчлэх вэ? Ямар дэглэм барих вэ? Вирусээ тоолуулна гэж юу гэсэн үг вэ? Хариулж өгнө үү. Баярлалаа.

 Зөвлөмж:

http://drbatorgil.miniih.com/index.php/home/post/79 Энийг дахиж уншаарай.В төрлийн вирус тариа шивээс зэргээр халдаад хүнд хэлбэрээр биш хөнгөн хэлбэрээр өвдөөд өнгөрсөн байж болно. Элгэний үйл ажилгааг,болон элгэний үрэвсэлийг маркер гэдгээр үздэг. Вирус тоолно гэж буруу ойлгуулсан байхаа. Монгол эм ууж эмчилгээ хийлгэж болно.

   Асуулт:

 Сайн байна уу? Эмчээ. Таны өгсөн зөвөлгөөний дагуу охиндоо барагшун өгөөд одоо зүгээр болсон танд маш их баярлалаа. Эмчээсээ бас нэг зүйл асуух гэсэн юмаа. Манай охины хоолой дээр нь цэр нь тулчаад гарахгүй байна. уг нь их л ойрхон байх шиг байхын өөрөө гаргаж чадахгүй болохоор ямар аргаар цэрийг нь гаргаж болох уу?

 Зөвлөмж:

Доош нь харуулж хэвтүүлээд уйлуулж байгаад цээжинд доргиох масаж хий. Бас хуруугаа хэлний угт дарж огиулаад бөөлжихдөө цэртэй гарна. Содтой усаар утаж болно.

  Асуулт:

Сайн байна уу? Би гадаадад ажиллаж амьдардаг. Миний толгой 14-15 наснаас эхлэн өвдөж, бөөлждөг байсан. Тэгээд маш их өвдөөд, дараа нүдний өмнүүр юм жирэлзэж байгаад алга болдог. Тэгээд толгой аймаар өвддөг болсон. Одоо ч гэсэн байж байгаад аймаар өвддөг, тэгээд бас миний хүзүү рүү дандаа хорсож өвддөг. Энэ ямар өвчин бэ? Та зөвөлгөө өгөөч?.

  Зөвлөмж:

 Толгой өвдөх олон шалтгаантай. Чиний толгойн өвдөлт бага байхдаа шараар их өвддөг байсан байна. Одоо унтахдаа хүзүүндээ таарсан дэртэй унтаж байгаарай хүзүүний яс шохойжилтоос бас толгой өвдөнө. Толгой эргэнэ. Толгой хүзүүндээ иллэг хийлгэх, хүзүүний татлага эмчилгээ хийлгэх, зүү төөнүүр эмчилгээ хийлгээрэй.

  Асуулт:

 Сайн байна уу? Эмчээ, таньд энэ өдрийн мэнд хүргэе. Миний толгой бараг 10 жил өвдөж байна, дүүрч, чилж өвддөг, сая бичлэг хийлгэхэд 1,2 зэргийн тархины нарийсалт гэсэн, европ эмчилгээ хийлгээд үр дүнгүй, бас бариачаар бариулж үзлээ, бас л нэмэр алга, уламжлалт эм тангаар ч юмуу ер нь ямар эмчилгээ хийлгэх вэ?, Та зөвлөгөө өгч тус болооч? Баярлалаа.

 Зөвлөмж:

Ямар ч байсан толгойн томограмм хийлгэж оношоо сайн тогтоох хэрэгтэй.Нилээд олон жил өвдсөн байна.Энэ шинжилгээг хийлгэсний дараа надруу явуулаарай.

  Асуулт:

 Сайн байна уу? Эмчээ.Таниас нэг зүйл асуух гэсэн юмаа. Миний зүүн талын далны доогуур үе үе сонин мэдрэмж төрөөд байх юм.

Булчин чангарах юмуу шөрмөс татахтай төстөй юм. Цээжний зураг Сонгдоод авхуулсан уушигний эмчид үзүүлсэн зүгээр байна гэсэн.

Миний нуруу жаахан өвдөх гээд байдаг юм. Нуруутай холбоотой бол уу? Зөвөлгөө өгөөч.

  Зөвлөмж:

Даарах салхи авах болгонд хавирга хоорондын мэдрэл цочирч хатгуулж өвдөөд цээжний булчин маш хүчтэй зангирч амьсгаа авахад хэцүү болдог банк тавиулах, халуун жин гаатай пластир тавихад өвчин намдана. Бас монгол эм ууж булчинд дутаад байгаа эрдсийг оруулж эмчилдэг.

   Асуулт:

Олон түмэнд тустай мэдээлэл тавьсанд баярлалаа. LgA, lgA2 дархлалын хүчин зүйлийг яаж сайжруулах вэ, ямар эмчилгээ хийлгэх вэ? Баярлалаа.

   Зөвлөмж:

 Элгэний энэ хүчтэй вирусын нэгдэл бүхий үүрийг эвдэхэд ургамалын гаралтай эм, эмэн бүтээгдэхүүн, уламжлалт эмт бодис жорууд ихээхэн үр дүнтэй. Мөн ардын эмнэл зүй, изотопын, болон идвэхт химийн найрлага бүхий рашаан, булаг ундрага, чулуун саун, байгалийн сувилалууд, амьтны эрхтний бүтэц ялгаралын найрлага бүхий, амин дэм, уургын нэгдэл эм бэлдмэл нилээд тустай. Элгэний энэ вирусыг өөртөө халдварлахаас сэргийлж, эрүүл аж төрөх ухааныг эзэмших хэрэгтэй. Энэ хэсэгт оруулсаныг сайн анзаараарай Элгэний эмнэлэг эмч болгоны арга барил өөр өөр байдаг

   Асуулт:

Сайн байна уу? Манай охин 24 настай, 10 хоногийн өмнө 4,3 кг хүү төрүүлсэн. Жирэмсэн байхдаа ахар сүүлрүү нь хатгаж өвддөг байсан төрөөд тэр нь хэвээр, олон уулзахын яс хавьцаа хавдсан байна. Рентген зургаар ноцтой юм алга гэх юм. Нилээд зовиуртай байна. Төрөөд удаагүй болохоор Бариа засал, зүү төөнүүр хийлгэж болох уу? Зөвлөгөө өгнө үү?

.  Зөвлөмж:

Том хүүхэд тээж төрүүлсэн байхад аарцаг ясны холбоос нилээд сунасан байгаа. Одоо олон уулзахдаа халуун бүлээн жин тавьж өвчтэй хэсэгт зүү төөнүүр хийлгэж болно. Монгол эм Сожид, Гоюу гэсэн эмнүүд уулгахаар дотоод шүүрлийн ажилгаа хэвэндээ орж хурдан өвдөлт намдана. Энэ эмнүүд хөхүүл хүмүүст хоргүй. Масаж хийлгэх хэрэггүй.

   Асуулт:

Сайн байна уу? Цөс өтгөрөлтэй гэдэг үе үе угаадаг нойр булчирхаи идэвхжээгүи байна гэсэн нойр булчирхай өвдөх би гэж айх юм. Яаж урьдчилан сэргийлэх бэ? Зөвлөгөө өгөөч.

  Зөвлөмж:

Элэг цөсний өтгөрөлтөнд болон нойрбулчирхайндаа монгол эм ууж байхад санаа зоволтгүй бие мах бодь эдгэрнэ

  Асуулт:

Баярлалаа эмчээ, танаас асуух бас нэгэн асуулт байна. 2 сарын өмнөөс миний 2 гарын эрхий хурууны үеэр нугаларахаа байчих юмаа. Эхэндээ баруун гарын хуруу нь нугарахаа байхаар нь тулсан юм байх гэж бодож байсан боловч 2 гарынх ижилхэн болсон. Өрхийн эмчдээ үзүүлж үений шингэний шинжилгээ өгсөн хариу нь зүгээр гэж гарсан. Ямар нэгэн зовиур байхгүй. гэхдээ яг үен дээр дарахаар хөндүүрлэж байгаа. Хаана хандаж үзүүлэх вэ? Танд үзүүлж болох уу?

 

  Зөвлөмж:

Өндөг чанаад халуунаар нь эрхий хуруунуудаа халуун жин тавиарай. Чавхдаж тэнийдэг хуруу болоод байгаа. Шөрмөсний хүйдийн таталт даарч хөрөх, ажил хийгээд үе холбоос оршихоос болдог.

   Асуулт:

Сайн байна уу? Эмчээ. Би 8 сартай хүүхдээ хөхүүлдэг. Сүүлийн хэдэн жил ходоод өвдөж байгаа саяхан дурандуулсан юм. Онош: Рефлюкс эзофагит М grade, Диф.поверхностный гастрит, мелкозернистость антарнального отдела, Лимффолликулярный бульбит. Хөхүүл болохоор антибиотик ууж болохгүй гэсэн.

   Зөвлөмж:

Монгол эм Задь5, Барагшун, Нейровален, Норов7 гэдэг эмнүүдийг уухад болно. Хөхүүл хүн ууж болох эмнүүд юм.

   Асуулт:

. Сайн байна уу? Эмчээ. Миний аавын нойрбулчирхай өвдөөд 2 долоо хонож байна. Тэгээд нэг эмчид үзүүлсэн kontrical гэдэг тариа 4 удаа хийлгэсэн тэгсэн боловч удалгүй дахиад өвдсөн.. Биохимийн шинжилгээнд амилиаз 329 гарсан тэгээд эмнэлэгт хэвтүүл гэсэн боловч ажилтай болохоор чаддаггүй. Одоо өвдөлт намдсан болохоор бүр ч хэвтэхгүй гээд байх юм. Та зөвөлгөө өгөөч. Одоо өдөрт 3 удаа panzinorm гэдэг эм ууж байгаа.

    Зөвлөмж:

Одоогоор өвдөлт намдсан бол панзинорм уулгаад маш сайн дэглэмтэй байх хэрэгтэй.

Архи тамхи хэрэглэж болохгүй. Хоолний дэглэм сайн барих хэрэгтэй. Цусны сахараа үзүүлж байх хэрэгтэй. Дахин өвдвөл хүндрэл их гэдгийг хэлээрэй.

    Асуулт:

Таны нэвтрүүлгийг үзсэн. Ингэж асуултанд хариу өгч олон хүнд буян болж байгаад баярлалаа. Цус шингэлэхэд ямар эм сайн гэсэн бэ? Би тэмдэглэж авч чадсангүй. Би аспирин 100 уудаг энэ хир зөв бэ?

   Зөвлөмж:

3 үрийн тан гэдэг эм байгаа. Цус өтгөрөөд байгаа шалтгаанаа тогтоосон уу? 88 52 69 89 гэсэн утсаар дотрын эмч Тунгалагаас зөвөлгөө авч болно.

    Асуулт:

Сарвууны 2 үе нь мултарсан их удаж байгаа юмаа. Хаа эмчилүүлэх бэ?

    Зөвлөмж:

Гэмтэл- согогийн Гар сарвууны тасгийн эмч нарт үзүүлээ. Хурууны шөрмөсийг солих нөхөн сэргээх хагалгаа хийдэг.

 

 

 

 

Like | Нийтэлсэн : Bat-Orgil | Уншсан (4140) | Өмнөх бичлэг | Дараагийн бичлэг

Сэтгэгдэл

  1. Жаргалд :
    2014-03-15 09:32

    Цусны когулограмм гэдэг шинжилгээ хийлгээ. Цусны бүлэгнэх чанар хир байгааг үзүүлээ. Хөхрөөд хөндүүр байгаа хэсгээ мэс заслын эмчид үзүүлээрэй.

  2. Туяад :
    2014-03-15 09:28

    88526989 гэсэн утсаар цаг аваад үзүүлээрэй.

  3. жаргал :
    2014-03-14 22:49

    Би төрөөд жил болж байна төөх үед саванд юм үлдсэн бас гимото гэлүү дээ болчихсон байна гээд цус алдаад үхэнгээ алдаад сэхсэн. Эмнэлэгт зогсоо зайгүй тариулсан. Одоо хүртэл бөгсөн дээр минь хөх толбо бүрэн арилаагүй бас хөндүүртэй. Мах тасарсан болов уу гэж бодох юм. Яавал бүрэн арилах бэ? туслаач

  4. Туяа :
    2014-03-03 22:24

    Сайн байна уу эмчээ? Таны ажил амьдралд сайн сайхныг хүсье. Би өөрт илэрч буй шинжүүдийг юу вэ гэдгийг тодруулж нарийн мэргэжлийн эмчид үзүүлье гэж бодоод байна. Би одоо 30 настай, 7, 2 настай 2 хүүхэд төрүүлсэн, элдэв зулбалт аборт байхгүй, сүүлийн 4 жилд 2 хацар дээр сэвхтэй болсон, тоотой холбоотой зүйлсийг санахаа болиод байгаа, бие нэг л үлбэгэр ядарсан байдаг, хоол идэж дуусаад үдаагүй байж байгаад л өлсөөд эхэлдэг, огцом уурлаад байдаг болсон, гар салганаад байгаа, биеийн юм алдагдаад ирэхийн өмнө болон хойно бор өнгийн зүйл гараад байгаа. Энэ бүх шинжүүдийг нэтээс хайж үзээд өндгөвчний үрэвсэл байна уу? зүрх зүгээр үү? бамбай зүгээр үү гэдгээ үзүүлье гэж бодоод байна.

  5. Энхжинд :
    2014-02-22 14:51

    Монгол эмийн аптекаас Лишь 6, Сороол гэдэг эмнүүдийг аваад уу. Жирэмсэн хүнд хэргэлж болно. Хий ханиалга дарж уушигны хаван буулгадаг эмнүүд юмаа. Армон гээд монгол эмийн аптек Бөмбөгөрийн урд байгаа.

  6. энхжин :
    2014-02-22 14:44

    сайн байна уу? би 38 недельтэй жирэмсэн юм. жирэмсэн болсон цагаас авахуулаад ханиад хүрээд ео эдгээгүй. байнга ханиалгаж байна. цээжний зураг авахуулж, цэрний шинжилгээ өгсөн. архаг бронхит байна гэсэн. тэгээд үзсэн эмч нь өрхийн эмлэгтээ үзүүлж зөвлөгөө ав гээд явуулчихсан. тэгсэн нэг шөнө жоохон сэрүүхэн цонх онгорхой унтчихсан чинь ханиалга нь бүр ихсээд хоолой сэрвэгнээд болдоггүй. одоо яаж эмчилвэл дээр вэ? 14 хоноод төрнө. хөхүүл үед ч гэсэн хэрэглэж болох ямар арга байдаг вэ?

  7. Bolorsaikhand :
    2014-01-18 21:39

    Хуруундаа чиг тавиад сулхан боогоод үе хөдөлгөөнгүй байлгаа татаж оролдож болохгүй.

  8. bolorsaihan :
    2014-01-18 09:43

    Сайн байна уу Та? Би өчигдөр сагс тоглож байгаад зүүн гарынхаа чигчий хурууныхаа хамгийн үзүүрийн үеийг тулгацан чинь гаргаж чадахгүй хавдаад, өвчин ороод зовиурлаад байна. Ямар арга хэмжээ авах вэ? Өмнө нь баруун гарын чигчий хурууны үзүүрийн үеийг бас тулаад сайн гаргаж чадаагүй гэхдээ хавдаж нээх их зовиурлаагүй. Одоо харин атгахлаар яг тэр үе мэдэгдээд байдын.

  9. udval :
    2013-12-16 16:40

    сайн байна уу эмчээ .би 2013 оны 8 сараас астма бронхит гэдэг өвчний онштой болсон. Гэнэт үе үе хоолой бачуурна боочих гээд байдаг, цэээж нуруу хөндүүрлэн өвдөнө эмчийн зааврын тариа ,эмийг хэргэлээд хэсэгтээ намдаад дахиад л оройд өдөрт хоолой бачуурдаг энэ өвчнөөс яаж салах вэ ямар боломж бна та зөвөлгөө өгч туслаач би багшийн ажил хийдэг цээжний зураг авахуулсан урьд өмнө хатгаа авсан бна уушгинд хатгааны сорви үлдсэн зураг байна гэсэн та надад зөвөлгөө өгч туслаач эмчээ

  10. Хишгээд :
    2013-12-09 04:52

    Ургамлын харшилд элэгний үйл ажилгаа сайжруулах, цус шингэлэх, мэдрэлийн эсүүдийг сэргээх эмнүүдийг өгдөг. Тухайн хүнд харших ургамалын найрлагагүй эм уулгадаг. Зүү, цэгэн иллэг эмчилгээг хүний биоактив, интерферон ялгаруулдаг цэг дээр тавьж эмчилдэг.

Сэтгэгдэлийн тоо : 152 Сэтгэгдэлийн хуудас 1 2 3 >  Last ›

Сэтгэгдэл бичих

Таны нэр :
Таны э-мэйл хаяг : Ил харагдахгүй.
Сэтгэгдэл